Cartref
Amdanom Ni
Whitbread PLC yw perchennog Premier Inn. Gyda mwy na 840 o westai ac 85,000 o ystafelloedd ledled y DU ac Iwerddon, Premier Inn yw brand gwestai mwyaf y DU, yn cynnig llety o safon am brisiau fforddiadwy.
Rydym yn parhau i dyfu, gan ganolbwyntio ar ddarparu'r gwestai cywir yn y lleoliadau cywir a chyda phobl wrth wraidd ein busnes.
Trosolwg o’r Cynigion
Rydym am ddatblygu cais cynllunio i wella gwesty Premier Inn Canol Dwyrain Llanelli. Rydym yn cynnig y datblygiad canlynol:
“Dymchwel bwyty presennol y gwesty a chodi adeilad newydd sy'n darparu ystafelloedd gwely ychwanegol ac ystafell frecwast, ynghyd â newidiadau i'r maes parcio a'r holl waith cysylltiedig”.
Mae Premier Inn wedi nodi galw sylweddol am fwy o lety gwesty fforddiadwy yn y lleoliad hwn. Mae hefyd yn gweithio i ad-drefnu’r hyn a gynigir gan y bwyty i sicrhau ei fod yn gweddu cystal â phosib i anghenion cwsmeriaid mewn lleoliadau penodol. Byddai'r cynnig hwn ar gyfer ystafelloedd gwely ychwanegol a chynnig bwyty diwygiedig yn bodloni gofynion gweithredol Premier Inn ac yn helpu i fynd i'r afael â'r galw am ystafelloedd gwely gwesteion yn yr ardal.
Mae'r datblygiad arfaethedig yn cynrychioli ymrwymiad hirdymor i arfer busnes cynaliadwy er budd yr amgylchedd a'r economi leol. Mae'r cynnig yn cynnwys cyfres gynhwysfawr o fesurau gweithredol, technolegol ac adeiladu a fydd, gyda'i gilydd, yn gwella perfformiad amgylcheddol y safle ochr yn ochr â gwella’r hyn a gynigir gan y gwesty. Cyflawnir hyn gydag athroniaeth ddylunio gwneuthuriad yn gyntaf a gwasanaethau adeiladu effeithlon wedi’u cyfuno â'r dechnoleg Carbon Isel a Di-garbon (LZC) sydd ar gael, fel Pympiau Gwres Ffynhonnell Aer.